Një 88 vjeçar ka ndërruar jetë pasditen e sotme pasi është përplasur nga një motor që drejtohej nga një 17 vjeçar.
Aksidenti ka ndodhur pasditen e sotme në qytetin e Divjakës, ku shtetasi E.B, 17 vjeç, duke drejtuar një mjet tip motorr, ka goditur një këmbësor, shtetasin N.P, 88 vjeç, i cili ndërroi jetë në Spitalin e Lushnjes.
I riu është larguar menjëherë nga vendi i ngjarjes, ndërkohë që shtetasi 88 vjeçar edhe pse është dërguar me urgjencë në spital, nuk ka mundur të jetojë.
Ndërkohë grupi hetimor po punon për kapjen e drejtuesit të mjetit dhe zbardhjen e plotë të ngjarjes.
