Partia për Drejtësi, Integrim dhe Unitet përmes një deklarate të shpërndarë për mediat thekson se 9 maji hodhi themelet e një kontinenti të bashkuar në paqe dhe harmoni, duke shtuar se Dita e Europës duhet të jetë jo vetëm festë por edhe reflektim.
“Kjo ditë simbolizon vlerat universale të lirisë dhe demokracisë, që kanë gjetur zbatim si asnjëherë më parë të drejtat themelore të njeriut, si e drejta e pronës, e lëvizjes së lirë, që janë në themel të rrugëtimit të PDIU-së, në përpjekje për zgjidhjen e Çështjes Çame”, thuhet në deklaratë.
Deklarata e PDIU
9 maji, Dita e Europës dhe përvjetori i Deklaratës së Shumanit, hodhi themelet e një kontinenti të bashkuar në paqe dhe harmoni.
Kjo ditë le të shërbejë, jo vetëm për të festuar, por për të reflektuar mbi përpjekjet, për të përmbushur aspiratën e kombit shqiptar, anëtarësimin në Bashkimin Evropian.
Që prej 1990-së, ëndrra e shqiptarëve ka qënë anëtarësimi në Bashkimin Evropian.
Kjo ditë simbolizon vlerat universale të lirisë dhe demokracisë, që kanë gjetur zbatim si asnjëherë më parë të drejtat themelore të njeriut, si e drejta e pronës, e lëvizjes së lirë, që janë në themel të rrugëtimit të PDIU-së, në përpjekje për zgjidhjen e Çështjes Çame.
