Socialistët, sipas fjalës së kryetarit të tyre, duhet të punojnë që para 24 korrikut të çojnë në Parlament ligjin organik për Presidentin e Republikës. Sipas udhëzimit të Edi Ramës, Bajram Begaj duhet të të hyjë në institucionin e Kreut të Shtetit sëbashku me dokumentin që rregullon punën e Presidentit. Bëhet me dije se mazhoranca ka nisur punën për të bërë ndryshimet e duhura në dokumenti që një vit më parë e bënë gati posaçërisht për Ilir Metën, pas përplasjeve të vazhdueshme mes Preisdentit dhe mazhorancës qeverisëse.
Ligji organik do të kërkojë sërish që socialistët të kërkojnë votën e opozitës, pasi për ta kaluar në Parlament nevojiten 84 kartona jeshil. Por dita e shtunë tregoi që PS nuk arriti të përçante votën e Partisë Demokratike, përveç atyre të PDIU-së, aleate e selisë blu. Draftin e socialistëve, Ilir Meta e cilësoi si veprim puçist të Edi Ramës, por 2 vite më pas Preisidenti aktual nuk ka reaguar për risjelljen në vëmendje të këtij ligji organik që kufizon kompetencat e Kreut të Shtetit.
Por socialistët përveç këtij dokumentit kanë detyrë nga kryesocialisti që të përpilojnë edhe një tjetër ligj që të mos i lë “dorë” të lirë” Presidentit në dhënien e dekoratave.
