Kandidati i Aleancës për Shqipërinë Europiane për Bashkinë e Dibrës, Muharem Rama vijoi bashkëbisedimet me banorët në Pollozhan dhe Sohodoll.
Kandidati Rama në këto takime shoqërohej nga ministrja e Mbrojtjes Mimi Kodheli dhe kordinatori i Partisë Socialiste për qarkun e Dibrës, Damian Gjiknuri.
Rama prezantoi programin e tij elektoral përpara qytetarëve të Pollozhanit, ndërsa kërkoi votën e tyre në 11 Shtator.
“Përveç rrugës, për Pollozhanin kemi edhe projekte të tjera. Ju e keni parë edhe Peshkopinë që është bërë një kantier i madh ndërtimi. Kemi projekte në sistemimin e rrjetit të kanalizimeve, ujit të pijshëm, projekte për ndërtimin e rrugës së varrezave, kemi program për subvencionet në bujqësi e blegtori”, u shpreh Rama.
Gatë fjalës së mbajtur përpara banorëve ministrja e Mbrojtjes, Mimi Kodheli insistoi se dibranët nuk duhet të gabojnë me zgjedhjen e tyre në votimet e kësaj fundjave.
Ndërsa koordinatori i Partisë Socialiste për Dibrën Damian Gjiknuri, komentoi zhvillimet e ditëve të fundit duke thënë se kampin opozitar e ka përfshirë paniku i humbjes.
