Kandidati për Bashkinë e Dibrës, Muharem Rama vijoi fushaten e tij në fshatin Grevë të njësisë administrative Melan, ku u zhvilloi një takim me fermerë e zonës. Kandidati Rama u ndal tek programi për rritjen e subvencioneve në bujqësi e blegtori, investimet në vaditje e kanalizime, ashtu sikurse edhe për regjistrimin e fermave.
Rama ne takim u shoqërua nga Ministri i Financave Arben Ahmetaj dhe koordinatori socialist për Qarkun e Dibrës Damian Gjiknuri.
Ndërkaq, ministri Ahmetaj u ndal edhe tek debati mbi Rrugën e Arbrit, duke thënë se qeveria e majtë është e vetmja që e ka marrë seriozisht këtë çështje: “Mos harroni se është një premtim prej 20 vitesh që për herë të parë konsiderohet si një projekt serioz në tryezë të qeverisë. Unë nuk kam nevojë ta përsëris, por e kam me shumë dëshirë ta theksoj se kjo qeveri ka për ta bërë rrugën e Dibrës, në daç Rrugën e Arbrit, në daç rrugën nga Librazhdi”.
