Ish-deputeti i Partisë Demokratike, Klevis Balliu dorëzoi sot në Prokurori disa prova për dhunën e policisë dhe aktet e paligjshme ndaj banorëve të Bregut të Lumit.
Balliu u shpreh se kryeministri i vendit i ka shpallur luftë, qytetarëve dhe protestuesve, jo bandave të krimit dhe të korruptuarve.
Në një deklaratë para mediave Balliu tha se e vetmja zgjidhje ndaj kësaj qeverie është revolta kombëtare.
“Ka 4 muaj sot, që Edi Rama me Polici i ka shpallur luftë, qytetarëve dhe protestuesve, jo bandave të krimit dhe të korruptuarve. Jetojmë në kohë të vështira, krizë politike, ekonomike, dhunë policore. Sot vazhdon të jetë në punë shefi i komisariatit nr.4 që u pa me zë dhe figurë, tek dhunoi vajzën 20 vjeçare Manjola Mandri, që ne e denoncuam me video. Nuk ka zgjidhje tjetër përveç revoltës kombëtare…të mos harrojmë edhe dhunëm mbi Sahit Dollapin, që u dhunua nga plot 7 policë.” – tha Balliu.
