Dhjetëra policë të arrestuar në Morinë/ Çuçi: Të vendosur për të pastruar Policinë

0
214

Ministri i Brendshëm, Bledi Çuçi ka reaguar në lidhje me arrestimet e policëve në Morinë. Përmes një deklarate publike ai shprehet se ky aksion tregon që policia do të pastrohet. Ai tha se ky ishte një hetim i thelluar në kuadër të luftës kundër korrupsionit dhe krimit të organizuar. Ndërsa theksoi se aksione të tjera do të vazhdojnë pasi asnjë i korruptuar nuk ka vend në radhët e policisë.

Përgëzime Agjencisë së Mbikëqyrjes Policore (ish SHÇBA) për hetimin profesional që çoi në pranga dhjetar punonjës policie të Pikës Kufitare në Morinë. Ishte një hetim model për ndëshkimin e korrupsionit dhe shpërdorimit të detyrës. Jemi të vendosur për të pastruar Policinë e Shtetit nga punonjësit e korruptuar, për të cilët s’ka vend në radhët e kësaj trupe”, tha ai.

Kujtojmë se në një bashkëpunim me policinë e Kosovës, SPAK ka zbuluar shkeljet e policëve shqiptarë në pikën kufitare të Morinës.