Deputeti socialist Fatmir Xhafaj ka kritikuar në mënyrë indirekte kryeministrin Edi Rama për retorikën fyese dhe vulgare ndaj kolegëve të opozitës seancën e djeshme në Kuvend, që duhet nënvizuar jo për herë të parë.
Nga Kuvendi, Xhafaj deklaroi se fryma e debatit normal dhe etikës politike, është zëvendësuar nga konflikti i ashpër i ndërtuar mbi batutën fyese.
Ndër të tjera, ai shtoi se kjo gjuhë fyese ka dalë në mediat e botës, ku Shqipëria po shënjohet si vendi i 1 mijë të këqijave.
“Një legjislaturë shpërfillëse më e dobët se kurrë. Fryma e debatit normal, konsensusit politik, etikës politike, është zëvendësuar nga konflikti i ashpër politik i ndërtuar mbi batutën fyese, shprehjet përçmuese e jo rrallë ordinere, gjuhën e baltës dhe shpifjes. Kjo lloj qasje është shndërruar në normalitet e instrument i të ashtuquajturës luftë politike Kjo retorikë e turpshme ka dalë jashtë kësaj salle në gjuhë të huaja, në mediat e botës, ku Shqipëria po shënjohet si vendi i 1 mijë të këqijave. Ne me këtë lloj qasjeje po u japim ëndrrave një ndëshkim më të madh. Dëm më të madh nuk mund t’i bëhet imazhit të vendit e sidomos mijëra shqiptarëve që po enden dyerve të botës për një jetë më të mirë”, tha Xhafaj.
Lexo edhe: Rama e “kërcënoi” në Kuvend, gjykata njofton gjyqin ndaj Salianjit
