Omer Mamo, deputeti i Partisë për Drejtësi Integrim dhe Unitet prezantoi para deputetëve të Komisionit të Shëndetësisë draftin për dhënien e statusit të punonjësve të industrisë së naftës dhe gazit.
Mamo: Nuk kam kërkuar më shumë për ta, kam kërkuar atë që atyre ua kanë mohuar dhe është e drejta e tyre. Të dalin në pension në moshën 60 vjeç dhe gratë të dalin në moshën 55 vjeç.
Mamo thotë se kërkesa e tij vjen pasi i njeh vështirësitë e naftëtarëve në terren, mungesën e investimeve dhe lodhjen fizike të tyre.
Mamo: Në parlament e kam gjetur veten jo si deputet, por si ish-naftëtar për sa i përket këtij statusi. Ky status është mbështetur nga të gjitha forcat politike.
Deputeti i PDIU-së përfshin edhe trajtiminin shëndetësor të punonjësve të industrisë së naftës.
Ndryshimi i propozuar për moshën e përfitimit të pensionit të pleqërisë përllogaritet paraprakisht në masën 400 mln lekë. Komisioni i Shëndetësisë do ia referojë projektligjin Ministrisë së Financave.
