Miratohen ndryshimet Kushtetuese në Komisionin e Ligjeve.
Në Kushtetutë do të shkruhet që deputetët do të zgjidhen me lista të hapura dhe ndalohen koalicionet parazgjedhore.
Sa i takon pragut elektoral, është vendosur që kjo të përcaktohet në Kodin Zgjedhor dhe jo në Kushtetutë.
Vendimi i Komisionit është marrë në unanimitet por që ndryshimet Kushtetuese të jenë të vlefshme, duhet të miratohen në seancën plenare të 30 korrikut në Kuvend, me 94 vota. Mbetet për t’u parë nëse mazhoranca do arrijë t’i bëjë 94 vota për hapjen e listave dhe ndalimin e koalicioneve parazgjedhore.
