Vijojnë protestat e banorëve të Nënshkodrës për dëmshpërblimet e përmbytjeve për vitet 2010-2011.
Qindra banorë bllokuan sot rrugën për 30 minuta duke mos lejuar kalimin e automjeteve. Ata paralajmërojnë se protesta do të mbahen edhe ditën e zgjedhjeve më 25 qershor ndërsa deklarojnë se do të bojkotojnë këto zgjedhje duke mos marrë pjesë.
“Ne nuk ndalemi te kjo kërkesë që kemi për të na dhënë dëmet që janë shkaktuar në shtëpitë tona. Në rast se qeveria nuk merr asnjë masë, atëherë do të protestojmë edhe më 25 qershor dhe nuk do të marrim pjesë në zgjedhje fare. I bëjmë thirrje qeverisë të marrë masat e duhura, në të kundërt bojkotojmë zgjedhjet”, shprehet një nga banorët.
Banorët shprehen se paratë që janë dhënë për dëmshpërblime po përdoren për qëllime politike në fushatën elektorale.
