Banorët e qytetit të Peshkopisë kanë denoncuar një pastiçeri të njohur në qytet pasi dyshojnë se ëmbëlsirat e kësaj pastiçerie janë shkaku i helmimit të mbi 100 personave.
Personat që kanë shfaqur simptoma helmimi kanë përfunduar në Spital dhe janë nën kujdesin intensiv të mjekëve. Personat që kanë konsumuar tortë dyshohet se kanë qënë në një aktivitet familjar.
Drejtoria e Shëndetit Publik me konstatimin e rastit ka marrë mostrat dhe i ka dërguar në Tiranë për ekzaminim. Në bashkëpunim me Inspektoriatin e Sigurisë Ushqimore ka bllokuar pastiçerinë ku dyshohet se janë shitur tortat.
Denoncimi në JOQ:
Pershendetje JOQ! Ne Diber 2-3 ditet e fundit rastet me helmim te paraqitura ne urgjencen dhe ne pediatrine e Spitalit Rajonal te Peshkopise kane qene mbi 100 raste. Problemi qendron se jane helmuar te gjithe pjesetaret e familjes dhe ne te gjitha rastet kane qene embelsirat (ne vecanti tortat) te marra ne nje pastiçeri te njohur te qytetit. Pra vecantia qendron ne faktin se te gjitha rastet me helmim qe jane paraqitur ne spital kane marre produkte tek kjo pastiçeri. Do zoti te mos jete “botulizem” (semundje e rralle qe vjen si pasoje e ushqimit te kontaminuar nga nje mikrob teper i rralle por qe ka simptoma si: krampe abdominale, te vjella, diarre dhe po preki sistemin nervor mund te shkoje deri ne fatalitet per pacientin)…. Une çuditem se si ky problem nuk ka bere buje pasi edhe dele po te ishin dhe jo me njerez, dikush duhet te veproje dhe po dikush duhet te mbaje pergjegjesi…. Theksoj se pacientet jane nen kujdes intensiv por urgjenca eshte e mbingarkuar me te tilla raste… Shpresoj ne sherim sa me te shpejte te ketyre njerezve… Faleminderit!!
