Pas deklaratës së Kocijancic se BE është në dijeni por nuk ka ndonjë koment për nismën e shkarkimit të Presidentit Meta, ka reaguar menjëherë presidenca përmes zëdhënësit, Tedi Blushi.
Blushi i kërkon kolegëve të Fax News ti dërgojnë Kocijancic raportin final të misionit të OSBE/ODIHR-it për turpin e 30 qershorit, ku flitet dhe për dekretin e Presidentit Meta.
Më tej ai bën me dije se nga e hëna do bëhet publik raporti i Presidencës për Komisionin e Venecias dhe për të gjithë institucionet demokratike, se si Presidenti Meta ka mbrojtur në mënyrën më transparente, jo vetëm Kushtetutën e Republikës së Shqipërisë, por edhe detyrimet e vendit ndaj Konventës Europiane të të Drejtave të Njeriut.
Reagimi i plotë:
“Të dashur kolegë të Fax News,
Ju lutem dërgojini znj.Koçijançiç raportin final të misionit të OSBE/ODIHR për turpin e 30 qershorit, ku flitet dhe për dekretin e Presidentit Meta.
Po kështu tregojini që Presidenti Meta është shumë i kënaqur që Kuvendi ka ftuar Komisionin e Venecias të vlerësojë nëse Presidenti Meta ka respektuar apo jo Kushtetutën.
Nga e hëna do bëhet publik raporti i Presidencës për Komisionin e Venecias dhe për të gjithë institucionet demokratike, se si Presidenti Meta ka mbrojtur në mënyrën më transparente, jo vetëm Kushtetutën e Republikës së Shqipërisë, por edhe detyrimet e vendit ndaj Konventës Europiane të të Drejtave të Njeriut dhe po kështu detyrimet ligjore që burojnë nga Marrëveshja e Stabilizim Asociimit midis Shqipërisë dhe Bashkimit Europian”.
Nisma për shkarkimin e Metës, Kocijancic: BE nuk ka ndonjë koment
