Kreu i Partisë Demokratike, Lulzim Basha, ka reaguar ashpër pas deklaratave të Ramës ndaj kryeministrit në detyrë të Kosovës, Ramush Haradinajt të cilin e cilëson si të paditur dhe gënjeshtar.
Me anë të një statusi në rrjetin social Twitter, Basha shprehet se gjuha e urrjetjes ndaj institucioneve të Kosovës, është akt i denjë vetëm për një peng të antishqiptarizmës si Edi Rama. Sipas tij koha e vasalitetit dhe autokratit të korruptuar të Tiranës do të marrë fund shumë shpejt.
Postimi i plotë:
Dënoj sulmin rrugaçëror të Edi Ramës kundër liderëve politikë të Kosovës dhe shpreh ndjesë në emër të çdo shqiptari për këtë akt të papranueshëm! Gjuha e urrejtjes ndaj institucioneve të Kosovës është akt i denjë vetëm për një peng të antishqiptarizmit si Edi Rama!
Kosova është shtet i pavarur dhe Shqipëria ka detyrimin të promovojë dhe respektojë pavarësinë e Kosovës dhe institucionet e saj. Koha e vasalitetit të autokratit të korruptuar të Tiranës ndaj armiqve dhe kundërshtarëve të pavarësisë së Kosovës do të marrë fund shumë shpejt!
