Menjëherë pas deklaratës Metës nga qyteti i Lezhës se populli duhej të armatoset nëse nuk lidhen zagarët e sulmit ndaj kryeplakut të fshatit Rroboshtë, ka reaguar Policia e Shtetit.
Policia e Shtetit shpreh keqardhjen për sulmin që i bëhet nga një lider politik, dhe president i zgjedhur i Republikës së Shqipërisë, Ilir Meta.
Në reagim thuhet se policia ka kryer të gjitha veprimet hetimore mbi incidentin në Lezhë, dhe nuk ka asnjë provë që sulmi është kryer për motive politike.
Reagim i Policisë së Shtetit:
Keqardhje për sulmin e sotëm mbi Policinë e Shtetit nga ana e një lideri politik, lidhur me incidentin e ndodhur në Lezhë.
Ashtu sikundër e ka komunikuar me transparencë të plotë më parë, Policia e Shtetit përsërit se ka kryer të gjitha veprimet hetimore dhe nuk ka asnjë provë për prapavijën politike të incidentit.
Pretendimet e personit të goditur po vazhdojnë të hetohen.
Por mbetet fakti që në deponimin e tij ai ka folur për persona të panjohur dhe nuk ka raportuar asgjë konkrete që te ngrihet dyshimi i arsyeshëm se incidenti është i motivuar politikisht.
Policia e Shtetit do të vazhdojë të kryeje me përgjegjshmërinë më të lartë profesionale detyrën e saj kushtetuese e ligjore dhe u bën thirrje të gjitha subjekteve e liderëve politikë të shmangin çdo përfshirje direkte ose indirekte të Policisë së Shtetit në retorikën e tyre elektorale.
Lezhë/ Dhunohet kryeplaku i fshatit Rraboshte, përplasen PS-LSI
Incidenti në Lezhë/ Meta: Të armatoset populli nëse nuk lidhen zagarët e sulmit
