Në mbledhjen e sotme të KQZ, për shortin e numërimit është shoqëruar me incidente.
KQZ ka miratuar me 6 vota pro dhe një kundër vendimin që numëruesi i tretë i grupit të emrit të ndahet me short mes LSI dhe PDIU.
PDIU bëri kërkesë për numërues në zgjedhje ashtu si dhe në vitin 2015, por në atë kohë kërkesa e tyre u refuzua.
Ka qenë anëtari i LSI që ka dalë kundër këtij vendimi madje dhe ka protestuar, duke u larguar dhe nga mbledhja.
Nga ana tjetër është marrë vendimi që numëruesi i katërt të jetë në radhët e PR-së.
Anëtari i KQZ nga LSI, Veleshnja, tha që shorti të hidhet mes PDIU e PR por kjo u kundërshtua nga anëtarët e KQZ që caktuan që hedhja me short të bëhet mes LSI e PDIU.
Kjo u miratua me 6 vota.
Do të pritet nëse do të ankimohet ky vendim i hedhjes së shortit në Kolegjin Zgjedhor.
Debatet
Administrata e KQZ: PDIU në zgjedhjet e 2015 kërkoi të marrë pjesë në short
Njazi Kosovrasti i PD: KQZ i ka kërkuar Kuvendit informacion për partitë e shumicës dhe të pakices parlamentare. Ju të administratës e tregoni se cilat janë partitë që duhet të ulen, por se ku duhet të ulen nuk e thoni
Eridian Salianji i PS: KQZ duhet ti kërkojë Kuvendit se kush është maxhorance e kush është në opozitë
Behar Zeneli, përfaqësues i LSI: Çfarë ka ndodhur me vendimin e KQZ të 2015
Administrata e KQZ: Partia Libra është parti e re, nuk ka konkuruar në zgjedhjet pararendëse prandaj nuk mund të hidhet në short
Kosovrasti: Tryeza e numerimit te votave eshte me kater anetarë, 2 nga maxhoranca e 2 nga opozita. Relacioni na thote se kush parti duhet te ulet PS, PD, LSI, PR e PDIU, por nuk na thoni se ne cilin kah duhet te ulen. Nga tre partite e vogla, PR eshte e opozites ndersa LSI e PDIU i perlasin maxhorances pasi jane pjese e qeverisjes. Pra shorti te hidhet mes LSI e PDIU. S’ka pune Kolegji Zgjedhor sot, shorti te jete mes PDIU e LSI
Perfaqesuesi i LSI: Ne 2015 ka vendim KQZ qe percaktoi LSI si force e tretë me te drejte numeruesi. LSI nuk ka me ke te konkuroje e te hedhe short.
Arian Madhi: Kolegji vendosi qe LSI te jete parti e trete sepse PDIU nuk kishte paraqit kerkese per te gjetur veten
Mesila Doda: Keni 3 dokumenta qe jane baze, kodi zgjedhor, Kodi Zgjedhor që thote PDIU duhet te jete ne short si edhe rekomandimi i OSBE-ODIHR. PDIU duhet te marre pjese ne short.
