Pas dekadash të tëra debati dhe polemikash të ashpra, mesa duket se më në fund edhe një vend si fqinji ynë Greqia ka lejuar hapjen e një xhamie në kryeqytetin e Greqisë, Athinë
Kështu mediat vendase në Greqi, kanë pasqyruar lajmin e bujshëm të inaugurimit të xhamisë së parë e cila do të hapet për lutjen e besimtarëve në muajin shtator.
Në ceremoni ka marrë pjesë edhe ministri për Arsimin dhe Çështjet Fetare, Costas Gavroglou, duke dëshmuar qëndrimin e autoriteteve për këtë hap të ri. Kjo xhamia është ndërtuar në zonën e Votanikos.
Vendimi i qeverisë greke për të çuar deri në fund punë për ndërtimin e xhamisë vjen në kontekstin e një qëndrimi ndryshe që kabineti i Alexis Tsipras ka mbajtur edhe ndaj Kishës Ortodokse.
