Tekniku i kuqezinjve dëshirë për të drejtuar kombëtaren italiane
Qëndrimi i Rei Manajt te skuadra e Interit për teknikun e kombëtares shqiptare Gianni De Biazi nuk ka qënë veprimi i duhur. Sipas De Biazit e mira do të ishte që Manaj të ishte huazuar në një ekip tjetër në mënyrë që të kishte më shumë minuta në dispozicion ku dhe do të fitonte më shumë eksperiencë. “Për fat të keq te Interi ka pak mundësi. Për fat të keq me skuadrën e parë është inaktiv prej shumë kohësh dhe kjo nuk i bën mire një lojtari si ai. Nëse do të kishte shkuar në huazim në një tjetër skuadër, do të kishte mundësinë për të luajtur. Stërvitja me lojtarët e skuadrës së parë të Interit mund ta ndihmojë, por nuk është kjo ajo që i duhet dikujt si Manaj”, ka deklaruar tekniku De Biazi në një intervistë për Tuttomercato.
Tekniku i kuqezinjve ka folur edhe për të ardhmen e tij pa e fshehur dëshirën që të jetë trajner i Italisë.
“Më thoni nëse ka ndonjë trajner italian që nuk do të dëshironte të drejtonte Italinë?” ka thënë de Biazi.
