Pas darkës së dy liderëve të aleancës qeverisëse, bashkë me kryeministrin Edi Rama është parë edhe kryebashkiaku Erion Veliaj, ndërsa në restorant ka vijuar darkën Ilir Meta i LSI, bashkë me ministrin e Drejtësisë, Petrit Vasili.
Takimi privat mes tyre u krye në një restorant peshku te “Pazari i Ri” në Tiranë, që prej orës 21.00 të natës së mbrëmshme dhe takimi mes tyre duket se ka përfunduar pas orës 01.00 pas mesnate.
Mendohet se ata janë takuar për të negociuar edhe njëherë koalicionin e tyre qeverisës.
Biseda mes tyre ka qenë shumë private dhe nuk kanë preferuar të japin asnjë koment për mediat, lidhur me fokusin e darkës së tyre.
Mbetet për ta mësuar gjatë ditës së sotme se çfarë kanë vendosur krerët e dy forcave më të mëdha partiake në vend.
