Përfaqësuesja e Kosovës do të përballet në orën 20:45 me Ukrainën në stadiumin e Shkodrës “Loro Borici” në kuadër të eliminatoreve të Botërorit “Rusi 2018”.
Tifo grupi i përfaqësueses së Kosovës, “Dardanët” me anë të një pankarte kanë falënderuar qytetin e Shkodrës për mikpritjen.
“Faleminderit Shkodër. Sot luajmë për herë të fundit në “Loro Boriçi”. Na dha shumë momente të mira ky qytet i bukur. Na mundësoi ta shohim Përfaqësuesen e Kosovës”, kanë shkruar “Dardanët” në rrjetet sociale.
