Kryetari i Partisë së Lirisë, Ilir Meta tha se Kryemadhi ka qenë një politikane e spikatur, por ra viktimë e një besimi të marrë ndaj Lulzim Bashës.
I ftuar në emisionin “Kjo Javë” në News24, Meta ndër të tjera tha se tani po vuajnë pasojat e veprimeve të saj kur ishte në krye të partisë Lëvizja Socialiste për Integrim.
Çfarë bëri mirë Monika Kryemadhi?
Meta: Monika është makineri organizative dhe frymëzuese. Ka qenë një politikane e spikatur. Ka historinë e saj të pavarur nga unë. Ra viktimë e një besimi të marrë ndaj Lulzim Bashës, e këto janë pasojat që po vuajmë. Basha ishte i qartë në pozitën e tij sepse nuk donte të hynte në zgjedhje lokale pasi ishte në koordinim më Ramën.
