Kombëtarja shqiptare është gati për sfidën ndaj Polonisë në Varshavë, me disa ndryshime interesante në numrat e fanellave për këtë ndeshje.
Anis Mehmeti rikthehet te kuqezinjtë pas një mungese të gjatë dhe do të mbajë numrin 9, që zakonisht i përkiste Jasir Asanit, i cili këtë herë është në tribunë nga vendimi i trajnerit Silvinjo. Ndërsa fanella me numrin 7, e lënë bosh pas dëmtimit të Rey Manajt, i është besuar Adrion Pajazitit.
Në mbrojtje, dy risitë e grumbullimit, Stavro Pilo dhe Bujar Pllana, do të debutojnë me numrat 19 dhe 15, ndërsa portieri i besuar mbetet Thomas Strakosha. Formacioni pritet të jetë me mbrojtje katërsh me Mario Mitaj dhe Elseid Hysaj si krahu i majtë dhe i djathtë, dhe qendër mbrojtjeje me Berat Gjimshiti dhe Arlind Ajeti, ndërkohë që Ardian Ismajli do të ndjekë ndeshjen nga stoli.
Në mesfushë, dyshja e sigurt janë Kristjan Asllani dhe Julian Shehu, ndërsa vendi i tretë i mesfushës pritet të vendoset mes Ylber Ramadani dhe Qazim Laçi, me favor Laçin. Në repartin ofensiv, Myrto Uzuni do të aktivizohet në krahun e djathtë, ndërsa Arbër Hoxha në të majtë, ndërsa në qendër të sulmit rolin e “9-shit fals” do ta ketë Nedim Bajrami.
Numrat e lojtarëve për ndeshjen me Poloninë:
Thomas Strakosha – 1 Ivan Balliu – 2 Mario Mitaj – 3 Elseid Hysaj – 4 Arlind Ajeti – 5 Berat Gjimshiti – 6 Adrion Pajaziti – 7 Kristjan Asllani – 8 Anis Mehmeti – 9 Nedim Bajrami – 10 Myrto Uzuni – 11 Elhan Kastrati – 12 Naser Aliji – 13 Qazim Laçi – 14 Bujar Pllana – 15 Juljan Shehu – 16 Ernest Muçi – 17 Ardian Ismajli – 18 Stavro Pilo – 19 Ylber Ramadani – 20 Arbër Hoxha – 21 Armando Broja – 22 Mario Dajsinani – 23
Ndërkohë, skuadra shqiptare përgatitet për një sfidë me ambicie, duke tentuar të sfidojë statistikat dhe të bëjë hapin drejt historisë përballë Polonisë.
gijotina.com/
