Institucioni drejtues i futbollit europian kishte lajmëruar që në datën 1 qershor do të merrej një vendim për Skënderbeun, kampionët e shqipërisë, që janë nën hetim për trukim ndeshjesh. Por meqenëse flitet për një çështje kaq të madhe dhe jo për një lojë fëmijësh, po nga UEFA është lajmëruar që është kërkuar edhe dy ditë të tjera për të dhënë vendimin final. Pikërisht ky i fundit është kthyer në një problem edhe në Shqipëri, madje jo vetëm moral, pra që ka lidhje thjeshtë me ndjeshmërinë e njerëzve të futbollit. Dy skuadrat e kryeqytetit janë të interesuara direkt për dënimin e klubit korçar, pasi mbi të gjitha një gjë e tillë do të sillte edhe përfitime për buxhetet e tyre. Partizani, pas një vendimi ndëshkues të Komisionit të Disiplinës së UEFA-s do të merrte pjesë në tyrin e dytë paraeleminator të Champions League dhe vetëm nga pjesmarrja do të përfitonte rreth 500 mijë euro. Ndërsa Tirana do të jetë në Europa League, gjë që nuk e fitoi dot në një edicion të tërë dhe kjo do të thotë se do të mund të siguronte një fond garancie për ndërtimin e skuadrës së ardhshme. Dhe pikërisht UEFA është arsyeja që të dy klubet i kanë bllokuar merkatot e tyre, pasi veç të tjerash, Skënderbeu mund të kthehet edhe në një treg i madh futbollistësh cilësorë për të interesuarit. Pra deri tani thuhej se dënimi i korçarëve do të ishte një humbje për futbollin shqiptar, por në fakt jo të gjithë humbasin… disa kanë ditë që i mbajnë gishtat e kryeqëzuar.
