Shpëtim Idrizi thotë që dekreti i miratuar nga qeveria greke nuk ka të bëjë me zgjerimin nga 6 në 12 milje, por është një dekret që vendos për vijën bazë të detit.
Ndër të tjera ai ka theksuar se në marrëveshjen e bërë në 2018 ka një gabim, ndërsa kryeministri nuk punon për rregullimin e saj, por vijon të bëjë lojëra fjalësh.
Sipas Idrizit marrëveshja mes Greqisë dhe Shqipërisë nuk ka të bëjë me zgjerimin territorial, por ka të bëjë me hapësirën ekonomike.
Kryetari i PDIU Shpëtim Idrizi ka qenë ftuar në studion e ABC me gazetarin Endri Xhafo.
“Që nga viti 2017, kur ka filluar detanta e madhe e Bushatit me Kotzias ne informoheshim vetëm nga pala greke. Dekreti i fundit kishte të bënte vetëm me mbylljen e vijës bazë dhe nuk kishim të bënim me deklarimin e kalimit nga 6 në 12 milje.
Që në fillim kemi patur një deklaratë të kryeministrit të Greqisë. Në shtator ai thoshte se Greqia do të zgjerohej nga 6 në 12 milje. Gjithashtu. më pas patëm deklaratë të ngjashme nga Tsipras, i cili u tërhoq pas reagimit të Turqisë.
Ajo çka ne paralajmëronim në atë kohë na u hodh poshtë. Tashmë, vërtetohet se unë nuk e kam deformuar fjalën e kryeministrit të Greqisë, i cili thoshte që do të sillte zgjerimin e detit nga Joni me 12 milje…”.
