Kryeministri Rama e priti ministrin e jashtëm grek në sallën e hartave dhe në sfondin e takimit shfaqej harta e vjetër kur Çamëria ishte pjesë e Shqipërisë
Harta e vjetër e trojeve shqiptare në sallën e hartave në kryeministri, ishte një detaj i paramenduar nga kryeministri Rama, kur vendosi vendin ku do ta priste mysafirin Nikos Kotzias. Kryeministri shqiptar mund të mos e ketë përmendur Çështjen Çame në atë takim, ashtu siç e kritikuan mediat shqiptare, por është fakt se në sfondin e takimit, është harta e vjetër shqiptare ku përfshihet edhe Çamëria.
Kryeministri Rama u kujdes vetë të evidentonte këtë fakt kur shkruante në facebook: “Sot në Sallën e Hartave me Ministrin e Punëve të Jashtme të Greqisë, Nikolaos Kotzias” dhe në sfond përshfaqej harta në përmasa të mëdha ku duket qartë Çamëria si pjesë e Shqipërisë.
Është një detaj domethënës, i cili ka shkaktuar kritika të ashpra për ministrin e jashtëm grek Kotzias janë publikuar në mediat greke referuar këtij takimi me kryeministrit dhe shfajqjes së hartës së vjetër të Shqipërisë.
“Cili ishte reagimi i ministrit grek? Absolutisht asgjë! E dinte që do të fotografohej? Sigurisht që po!”, shkruan ndër të tjera portali grek “Epirus Post”.
“Nuk e dinte zoti Kotzias se çfarë harte ishte ajo? Nuk u befasua që rajonet greke janë përfshirë në hartë? Pse nuk reagoi? Përse nuk e pyeti kryeministrin shqiptar për hartën në vend që të buzëqeshte për fotografinë? Së fundi, a ka politikë të jashtme në këtë vend? A ka diplomaci greke? Populli grek kërkon shpjegime”, theksohet në median greke, newsbomb.gr.
