Prej 1 prillit hyn në fuqi ligji i ri italian për delokalizimin apo atdhesimin e operatorëve të call center i cili forcon masat për këto kompani.
Ky ligj pritet me ndjeshmëri të lartë dhe këtë e pranon edhe Ministrja e Zhvillimit Ekonomik Milva Ekonomi e cila thotë se qeveria shqiptare po zhvillon negociata me atë italiane.
“Mënyra si ne po negociojmë dhe është e vazhdueshme duke hartuar dikur një letër, i është kaluar ambasadës italiane e cila ka bërë edhe ajo reflektimin e vet pranë qeverisë italiane për të parë këto ndryshime që po ndodhin në ligj dhe tani po vazhdon të punohet që të shikohet mundësia e një situatë që të jetë fituese-fituese për të dy palët në momentin që ligji do të hyjë në zbatim”, tha Ekonomi.
Në përgjigje të shqetësimit të shprehur nga operatorët turistikë për shkrehjen institucinale në këtë moment krize politike dhe prag zgjedhjes, ministrja Ekonomi thotë se është një proces rregullimi tregu dhe në rregullimin e tregut gjithcka ka afatin e vet, nuk ka lidhje me faktin që jemi para zgjedhjeve apo para sezonit turistik.
