Ministri i Jashtëm, Ditmir Bushati u ka bërë thirrje të rinjve që të aktivizohen në jetën politike dhe publike të vendit.
Gjatë takimit që pati me të rinjtë të Vaut të Dejës që votojnë për herë të parë këtë qershor, shefi i diplomacuisë u shpreh se vendi është para sfidave të mëdha, dhe një ndër to, sipas tij, është reforma në drejtësi.
“Dëshiroj të nxis votuesit për herë të parë për nevojën për një aktivizim më të madh në jetën politike dhe publike të vendit. Ne kemi nevojë për të rinj të arsimuar dhe të edukuar sepse sa më shume të edukohet brezi i ri, aq më e mirë bëhet shoqëria ku djali dhe vajza kanë një rol të pazëvendësueshëm dhe të barabartë në shoqëri”, u shpreh Bushati.
