Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Burg, nëse nuk ke me ç’paguan dritat! Respekte, nëse je Rilindas si Alket Hyseni

Nga 27.al 0

Një kryefamiljar në Shkodër ra në tension dhe la jetën, sepse OSHEE i kishte prerë dritat. Viktima shkoi të lidhë dritat drejt e në shtyllë për fëmijët e tij që duhet të rrinin të mërdhinin në terr.

Një tjetër zotëri vrau veten në qeli në Lushnje, sepse e plasën Brenda, pasi nuk kishte patur mundësi të paguante faturën e energjisë elektrike. Skamnori I dha fund jetës prej mjerimit dhe turpit të pafuqisë që të bën varfëria.

Por, Rilindasi Alket Hyseni raportohet se I detyrohet OSHEE 17 milionë lekë për energji të papaguar. Natyrisht, atij nuk ia pret kush dritat, askush nuk e fut në burg.

Alket Hyseni është deputet që tronditi opinionin public me komentet për autizimin, ndërsa shumë aktivistë kërkuan me ngulm largimin e tij. Jua vuri veshin njeri? Aspak.

Ai është deputeti me pasuri të madhe dhe të dyshimtë, që ka tërhequr pranë vetes kaq shumë urrejtje.

Në shtator të vitit të shkuar, disa media, mes tyre edhe Vizion Plus, raportuan se Alket Hyseni mund të përjashtohej nga grupi parlamentar i PS. Ai ishte caktuar në krye të një task-force që do verifikonte tjetërsimin e pronave sidomos në jug të vendit. Gjejeni çfarë? Si një polic që duhet të të mbrojë, por vjen dhe të vret në shtëpi, vetë Hyseni u akuzua për tjetërsimin e një prone që duhej të verifikonte. Jo pak, por mbi 11 mijë metra katrorë në Dhërmi, në një prej zonave më të lakmuara në Shqipëri. Pikërisht në këtë zonë u dha leja për një resort të madh turistik.

Prokuroria e Krimeve të Rënda pushoi hetimet e nisura ndaj tij pas denoncimeve në media.

Prandaj, ky njeri nuk ka përse të paguajë dritat, përderisa në burg përfundojnë “pemëthymët”, “plebenjtë” e Rilindjes.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej