Një 13 vjeçare është plagosur rëndë ndërsa po luante në një kënd lojërash në Bulqizë.
Policia njofton se rreth orës 11:30 të ditës së sotme se në qytetin e Bulqizës, shtetasja M.B., 13 vjeçe, banuese në Bulqizë, duke luajtur në këndin e lojërave, konkretisht në pistën e makinave (me korrent) është aksidentuar nga makina që drejtonte vetë ajo.
Adoleshentja pas ndihmës së parë të marrë në spitalin e Bulqizës, është transportuar menjëherë me helikopter për ndihmë më të specializuar në Tiranë ku ndodhet nën kujdesin e mjekëve.
Menjëherë kanë shkuar shërbimet e Policisë në vendin e ngjarjes dhe po punojnë për zbardhjen e shkaqeve të ngjarjes.
