Pas orës 01.00 të mëngjesit, më saktë pasi u hapën kutitë e Sunderland, referendumi mori një kthesë të papritur.
Nga numërimi i plotë i votave të referendumit mësohet se ka fituar me gati 1 milionë vota varianti për ta lënë Bashkimin Europian.
Fitorja e “out” është e ngushtë, por gjithsesi është fitore e qartë:
51.9 për qind e britanikëve kanë vendosur t’u larguar.
48.1 për qind e tyre për për të qëndruar.
Lideri euroskeptik i Ukip, Nigel Farage, i cili fillimisht pranoi që ka gjasa të fitojë qëndrimi në BE, tashmë ka shpërthyer në festë. Farage ka kërkuar dorëheqjen e kryeministrit Cameron.
Ai deklaroi se erdhi dita e pavarësisë ose më mirë në anglisht “Independence day”.
Në tregjet ndërkombëtare monedha angleze është në pikiatë si kurrë më parë qysh nga viti 1985.
Bëhet fjalë që kryeministri David Cameron e ka bërë tashmë gati dorëheqjen. Por, një grup i madh ligjvënësish, mes tyre Boris Johnson që udhëhoqi fushatën për të dalë, i kërkojnë shefit të qeverisë që të vazhdojë detyrën. Ata kanë kërkuar këtë me një farë peticioni që Cameron të vazhdojë punën në Downing Street.
Që Britania të dilte jashtë vendosën votat e Anglisë dhe Uellsit, kurse Skocia dhe Irlanda e Veriut votuan për të qëndruar. Kjo do të thotë që brenda Mbretërisë së Bashkuar mund të ketë lëvizje indipendiste.
Ndërkohë euroskeptikët kanë marrë zemër në vende të tjera. Salvini në Itali, por edhe speratistë të tjerë në Francë thonë se rradha për të dalë nga BE i takon këtyre vendeve.
