Mjeku i njohur, Skënder Brataj ka ndarë me ndjekësit e tij në rrjetet sociale një situatë që i ka ndodhur atij mëngjesin e sotëm, duke nxjerrë në pah mungesën e ndërgjegjësimit te qytetarët për respektimin e masave anti-covid.
Brataj thotë se teksa shkuar të rimbushë celularin i është kërkuar të vendosë maskë, ndërkohë që vetë punonjësja e mbante maskën poshtë gojës.
“Për të qeshur apo për të qarë? Pa hyrë te dera e dyqanit të telefonisë sot në mëngjes dëgjova: Zotëri nuk shërbejmë pa maskë. Keni shumë të drejtë i thashë dhe vendosa maskën. Afrohem te banaku dhe shikoj që vajza maskën e vet e mbante mbi mjekër.
Më fal zonjë, pse nuk e vendosni maskën? Na kanë dhënë urdhër të mos shërbejmë pa maskë zotëri! E kisha fjalën për ju zonjë. Kam xhamin ndarës zotëri me thotë zonja! Edhe unë e kam xhamin ndarës me ju zonjë i them. Ndërkohë hyn një qytetar pa maskë me lekët në dorë. Më boj një karikim telefoni 1100 lek goce, se jam vonë. Zotëri nuk shërbejmë pa maskë i thotë vajza.
“Mushe, se po dal ke dera”-, thotë zotëria dhe ndërkohë nuk po lëvizte nga vendi. I drejtohem: Zotëri të lutem ose gjeni një maskë ose dilni të dera”-, i them. “Hec o zotëri më thot, kam pi gjysëm kile raki që në mëngjes, nuk më gjë gjo mua!”, shkruan Brataj.
