Kryetarja e Komisionit Europian, Ursula von der Leyen tha se 4 maji shënon një kthesë të rëndësishme në luftën tonë kundër koronavirusit ndërsa shtoi se partnerët janë shumë dhe se qëllimi është një.
Von der Leyen, njoftoi investimin e një miliardë eurove për zhvillimin e një vaksine, duke i dhënë kështu udhë maratonës për mbledhjen e fondeve “ Bota kundër Covid-19″ duke u shprehur se “Duhet të bashkojmë forcat e të dhurojmë. Duhet të mbërrijmë të paktën shumën e 7,5 miliardë eurove”.
Në mesin e muajit të kaluar, Von der Leyen kërkoi publikisht ndjesë për faktin që Italia, anëtare e bllokut, u la vetëm në betejën e saj kundër virusit, i pari reagim i një zyrtari në rangun e saj nga Bashkimi europian që bën një deklaratë të tillë.
“Po, e vërteta është se asnjëri nuk ishte i përgatitur për këtë, shumë prej nesh nuk ishim afër Italisë për t`i zgjatur dorën që në fillim, e për këtë duhet të kërkojë thellësisht falje,” deklaroi ajo përpara Parlamentit Europian.
