Kryeministri britanik, Boris Johnson, u ka rekomanduar qytetarëve që këtë verë, pushimet t’i kalojnë brenda vendit, dhe të mos udhëtojnë në zona turistike në vende tjera.
“Ky vend është i bekuar në mënyrë unike me vende fantastike për pushime”, tha ai.
Javën e kaluar, qeveria britanike hoqi kufizimet, që do të thotë se njerëzit që hyjnë në Angli, nga vende të caktuara, nuk do të kenë më nevojë për karantinë.
Johnson tha se ai mendon se maskat “kanë një vlerë të madhe në hapësira të kufizuara” dhe se qeveria do të shqyrtojë “masat e zbatimit” brenda ditëve të ardhshme.
Mbretëria e Bashkuar është një ndër vendet më të goditura nga pandemia e COVID-19, sëmundja që shkaktohet nga koronavirusi i ri.
Sipas të dhënave të Universitetit John Hopkins, në këtë vend janë infektuar gjithsej 291,155 njerëz, ndërsa 44,904 kanë vdekur.
