“Rama 2” ka marrë zyrtarisht detyrën pas betimit në Presidencë pasditen e kësaj të mërkure.
Ceremonia nisi me ekzekutimin e himnit kombëtar për të vijuar më pas me leximin e emrave të kabinetiti të ri që u pasua me betimin e Ramës fillimisht, e më pas të ministrave të tjerë.
Pas betimit Edi Rama shtrëngoi duart me Presidentin e Republikës, Ilir Meta i cili i dorëzoi dekretin.
Më pas Rama i shoqëruar nga anëtarë të kabinetit ka përshkuar në këmbë distancën mes Presidencës dhe Kryeministrisë.
Meta vlerësoi prioritetet e kabinetit qeveritar dhe i uroi suksese qeverisë gjatë katër viteve në vijim.
“Suksese dhe rezultate sa më pozitive në qeverisjen e vendit. Shqiptarët presin përgjegjësi të mëdha për të përballuar me sukses sfidat që kemi përpara. Si president theksoj rëndësinë për zbatimin e reformës në drejtësi për të krijuar sa më shpejt institucionet e drejtësisë për nisjen e luftës kundër korrupsionit dhe përmirësimit të klimës së biznesit. Besoj se qeveria e re do të punojë me përkushtim për forcimin e mëtejshëm të marrëdhënieve me fqinjët. Jam shumë i gëzuar që qeveria e re e ka pagëzuar vitin 2018 si vitin e Skënderbeut, i mbështes në këtë nismë. Skënderbeu i ka bashkuar shqiptarët në të gjithë kohërat. Sot ajo që na duhet ne shqiptarëve është bashkimi në interes të kombit. Suksese në detyrën shumë të rëndësishme për të cilën u betuat sot”, është shprehur ai.
https://www.facebook.com/edirama.al/videos/10155136773811523/
