Ish-kryeministri Sali Berisha ka publikuar një video nga përplasja e policisë me qytetarët në Peshkopi gjatë kohës që mbështetës të Partisë Demokratike protestonin kundër kryeministrit Edi Rama.
Berisha thotë se Rama ka nxjerrë administratën në shesh në ditë pushimi, ndërsa narkopolicia dhunon deputetin e PD.
“Dibranët presin me protesta Edi Ramën, i cili nxjerr administratën në shesh në ditë pushimi. Narkopolicia, për të mbrojtur Noriegën dhe qeveritarët e lidhur me krimin dhe drogën, në një akt të paligjshëm dhunon deputetin e PD, Gjunkshi dhe qytetarët!”, shkruan Berisha.
