Ish-kryeministri Sali Berisha e cilëson megaskandal të narkoshtetit vjedhjen e pasaportave të vjedhura në Greqi, ndërsa deklaron se do të përdoren nga grupet terroriste dhe mafien.
Berisha shkruan:
Ky është një megaskandal tjetër i narkoshtetit të Kakistokracisë të Tiranës. Ato mund të përdoren nga grupe terroriste të ISIS dhe mafia shqiptare dhe rajonale e më gjerë dhe kërcënojnë kështu sigurinë kombëtare dhe ndërkombëtare.
Miq, vjedhja e qindra pasaportave shqiptare në Athinë përben një superskandal, rrezik serioz për sigurinë kombëtare jo vetëm të Shqipërisë por dhe më gjerë. Burime serioze njoftojnë se ”vjedhja“ e tyre duket se është realizuar kundrejt shumës së paku 2 milionë euro. Ato mund të përdoren nga grupet me të rrezikshme terroriste të ISIS që po largohen nga Siria por edhe nga baronët e drogës së Shqipërisë, Ballkanit dhe Amerikës Latine etj etj.
Për këtë superskandal me rrezikshmëri të lartë në radhë të parë për sigurinë e vendit dhe qytetarëve shqiptarë, Çiraku i Baton Stanishiqit vazhdon të heshtë dhe nuk ka nxjerrë asnjë përgjegjësi sikur të kishte ndodhur në një vend tjetër.
Duke dënuar më ashpërsinë më të madhe këtë superskandal të regjimit kakistokratik të Tiranës, i bëj thirrje Interpolit të bëjë çdo përpjekje për zbulimin e grupeve kriminale, terroriste që “vodhën” kundrejt shumave marramendese qindra pasaporta të narkoshtetit shqiptar! sb
