Lidhur me përgjimet e publikuara sot nga gazeta gjermane “Bild”, ka reaguar sërish ish-kryeministri Sali Berisha.
Përmes një postimi në Facebook, Berisha shprehet se, regjistrimet e publikuara ditën e sotme shënojnë zbulimin më klamoroz dhe shokues të tre dekadave të fundit.
Reagimi i plotë i ish-kryeministrit Sali Berisha:
Miq, gjashtë regjistrimet e publlkuara sot nga e famshmja gjermane Bild shënojnë zbulimin më klamoroz dhe shokues të tre dekadave të fundit.
Ato regjistrime që së bashku shkojnë rreth 11 minuta falsin më shumë se 100000 faqe dëshmi shokuese për lidhjet e tmerrshme të Edvin Kristaq Ramës me krimin, sistemin e kakistokracisë të instaluar prej tij në Shqipëri.
Këto regjstrime para së gjithash:
1- Rrëzojnë përfundimisht zgjedhjet parlamentare të vitit 2017. Ato faktojnë në mënyrën më të pakundërshtueshme se rezultatin e tyre nuk e përcaktoi vullneti i lirë i qytetarëve por blerja e votës, diktati dhe terrori i vrasësve dhe trafikantëve bosëve mafioz ndaj tyre. Pra mandatet e narkomazhorancës qëndrojne mbi krimin, drogën, terrorin dhe dhunën e bandave vrasëse të mafies shqiptare.
Nga bisedat del e qartë si drita e diellit se janë vrasësit, trafikantët të cilët organozojnë fushatën elektorale të PS, janë po ata që urdhërojnë zyrtarët, drejtorët lokal dhe qëndrorë të saj, kryetarët e Bashkive etj. Janë këta vrases si Astrit Avdyli që bëjnë listat e deputetëve dhe të kryetarëve të qeverive vendore, që kërcënojnë, shpërndajnë paratë për blerjen e votës dhe bëjnë gjithçka siç shprehen për ti dhënë kreut të tyre Edvin Kristaq Krimi rezultatin 10 me 0.
Regjistrimet e publikuara nga Bild gjithashu
2- faktojnë me dokumenta zyrtare të pa kundërshtueshme se Partia Socialiste nga kreu në bazë është parti e krimit, është narkoparti në të cilën vendimet me të rëndsishme i marrin vrasësit, trafikantët dhe se,
3- Shteti i ndërtuar nga kjo parti është mirëfilltas narkoshtet në të cilin duke filluar nga drejtorët, qeveritarët vendor dhe qëndrorë gjer tek zyrtarët e tjerë narkopolicia, narkoprokuroria narkogjykatesit dhe krye kreu i tij Edvin Kristaq Krimi bashkpunojnë ngushtë me vrasës trafikantë bos të mafies, të cilët bëjnë ligjin e tyre dhe njëlloj si në një narkoshtet tipik vendosin për nomenklaturen e tij dhe marrin çdo vendim për gjthçka tjetër.
Së fundi, këto regjistrime faktojnë në mënyrë të plotë dhe përfundimtare kauzën e drejtë të opozitës dhe rëndësinë jetike të ngadhënjimit të saj me çdo kusht dhe çmim për të shpëtuar të ardhmen tonë dhe nxjerrë atë nga honet e mafies dhe narkoshtetit në rrugën që shqiptarët meritojnë! sb
