Ish-kryeministri, Sali Berisha shprehet se ka një dëshmi tronditëse për ministrin e Brendshëm, Fatmir Xhafaj.
Berisha akuzon Xhafajn se në periudhën e komunizmit në Shqipëri firmosi dënimin me 17 vjet për Arben Dukën. “Xhafaj mban një dosje nën sqetull. Kjo dosje është edhe fundi i turpshëm politik i Ramës,” shkruan Berisha.
Një “qytetar dixhital” i shkruan Berishës se Xhafaj ka qenë hetues i Sigurimit të Shtetit nga viti 1980-1986 dhe ka dënuar me 17 vjet burg Arben Dukën nga Kruja. Letrën e shkruan nipi i Arben Dukës, i cili thotë se akuzon Xhafën si “xhelatin e xhaxhait të pafajshëm”.
