Ish-kryeministrin Sali Berisha ka ndërprerë seancën parlamentare dhe i ka bërë një kërkesë paksa të çuditshme kryetares së Kuvendit. Ai i ka kërkuar asaj një strehë për gardistët e parlamentit, duke thënë se është mizore që ata të lihen të lagen në shi. Sipas tij, kjo është një kërkesë humane.
“Ka një grup të gardës që rrinë në shi te dera dhe nuk u bëhet një strehë që të rrinë. Ju që drejtoni parlamentin nuk keni detyrë vetëm mikrofonin por tërësinë e shërbimeve që duhet të kenë kushtet më minimale. Gazetarët kanë një strehë aty dhe është shumë mirë, por edhe rojeve te dera u bëhet një strehë. Kjo ishte në rrafshin human”, tha Berisha. Ndërsa një pjesë e deputetëve kanë qeshur më këtë kërkesë.
