Nga Berat Buzhala
Lutje publike për kryeministrin e sapozgjedhur të Shqipërisë:
Hape një pikë/punkt për vaksinimin e kosovarëve dikund afër kufirit.
Unë e di që edhe Shqipëria është në zor të madh për veti, ama është krejtësisht e turpshme për shtetin e Kosovës që mijëra veta me shku me u vaksinu në Serbi, qysh po ndodhë tash.
Nuk ka poshtërim më të madh për shtetin e Kosovës që i lejon qytetarët e vendit të vet me pranu vaksina prej qeverisë së Serbisë.
Që këshilla ime për Ramën dhe qeverine e tij. Le t’i ndajë disa doza në javë, le të themi 5-6 mijë dhe le t’i caktojë grupmoshat, bie fjala brenda një jave ata që i kanë 74-75 vjec.
Javën tjetër ata që i kanë 73-74 vjec. E di që nuk do të ishte shumë as për Shqipërinë, por do të ishte shumë për ne që kemi prindër të vjetër.
Nuk kishim me ia harru kurrë. Na për momentin nuk kemi qeveri që kujdeset për qytetarët. Qeveria jonë po merret me budallakina.
Albinit as nuk po i bën përshtypje që Vucici më shumë se sa ai po kujdeset për qytetarët e tij.
Për Albinin është tepër me rëndësi me e fitu betejen publike me Vucicin në takimin e tyre të parë në Bruksel.
Unë me qenë si Vucici, po në atë takim, kisha me i tregu se sa qytetarë të tij ia ka vaksinu. Le të merret ky me folklorizma.
Prandaj, Edi Rama e ka mundësinë ideale për t’i dalë në krah qytetarëve të Kosovës.
