Bilanci i të vdekurve mund të jetë shumë më i rëndë, pasi të paktën 100 persona konsiderohen të zhdukur. Kryeqyteti libanez është mbuluar nga një re toksike, e cila ka veshur me pluhur të gjitha pallatet edhe në lagjet e brendshme të qytetit.
Presidenti amerikan, Donald Trump ka thënë: “Duket një atentat i tmerrshëm!”.
15 vjet pas shpërthimit të autobombës që vrau Rafiq Hariri (vdekja e tij shënoi fundin e pushtimit sirian të Libanit dhe ndërroi historinë e mëpasme të vendit), një tjetër akt i tmerrshëm ka plagosur kryeqytetin libanez.
Sipas versionit zyrtar që i referohet drejtpërdrejtë Presidentit të Libanit, Michel Aoun, ajo ccka provokoi këtë tragjedi ka qenë një zjarr në një depozitë në Port, ku ishin magazinuar 2 750 ton nitrat amoni, të cilat ishin sekusteruar vite më parë prej një anije.
Shpërthimi në Beirut ishte aq i fuqishëm sa thuhet që është ndjerë deri në Qipro, të paktën 234 km kilometra larg.
“Të gjithë në Qipro e ndjenë…”,- tha një qytetar qipriot.
Sipas Al Jazeera, të paktën tre spitale janë shkatërruar nga shpërthimet në portin e Bejrutit, Liban, dhe dy janë dëmtuar rëndë, ndërsa numri i viktimave rritet nga orë në orë.
Franca ka njoftuar dërgimin e mjekëve dhe disa ton pajisje mjekësore.
Mjekët e urgjencës do të arrijnë në Beirut sa më shpejt të jetë e mundur për të forcuar spitalet.
Emmanuel Macron ka siguruar mbështetjen e Francës për homologun e tij libanez Michel Aoun dhe njoftoi dërgimin e “ndihmës dhe burimeve franceze” në Beirut.
