Prestigjiozja italiane “il Giornale” shkruan se Bashkimi Europian nuk është dakort që emigrantët nga Eritrea të vijnë në Shqipëri.
“Njëzet emigrantët e anijes “Diciotti” përfundojnë në Shqipëri. Shqipëria ka pranuar të marrë emigrantët që të “shpaguajë” disi mikëpritjen që i është bërë në të kaluarën. Por kjo marrëveshje bilaterale mes Romës dhe Tiranës nuk e ka kënaqur Brukselin”, shkruan gazeta.
Sipas të gazetës italiane, burime anonime nga BE prej dy ditësh shpjegojnë se “Italia nuk mund t’i dërgojë azilkërkuesit potencial në Shqipëri, së paku deri në momentin që ata do të refuzojnë transferimin në bazat vullnetare”.
Edhe korrikun e kaluar, Komisioni Europian refuzoi propozimin e Danimarkës dhe Austrisë për një zgjidhje të ngjashme. Ideja ishte që emigrantët të transferoheshin në një vend tjetër të Europës pa u shqyrtuar kërkesat për azil. Kjo praktikë u cilësua si e paligjshme nga ekspertët ligjorë të BE, vijon më tej shkrimi i “il Giornale”.
Sipas dokumenteve të KE, “dërgimi i një azilkërkuesi në një vend të tretë pa e shqyrtuar kërkesën për azil, nuk lejohet nga BE dhe ligji ndërkombëtar”.
Prestigjiozja italiane nënvizon se “në thelb, emigrantët që do të përfundojnë në Tiranë, nuk mund të transferohen në Shqipëri nëse ata vetë nuk e duan diçka të tilë”.
