Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Bashkia e Veliajt/ 450 milionë lekë tendera për mikun e dhëndrit të Fatmir Xhafës (foto)

Nga Ejona 0

Zëdhënësja e Partisë Demokratike, Ina Zhupa, nëpërmjet një postimi në rrjetet sociale publikoi disa dokumenta, duke denoncuar se Bashkia e Tiranës ka dhënë 450 milionë lekë tendera për dhëndrin e Fatmir Xhafës.

DENONCIMI I INA ZHUPES:
Bashkia e Veliajt, ose bashkia e tenderave shoqërore! 450 milionë lekë tendera për shokun e ngushtë të drejtorit të Veliajt, krahut të djathtë të tij, Ditjon Baboçi (dhëndri i Fatmir Xhafës)! Mjafton shoqëria e duhur edhe i ke dyert e hapura për tendera në bashkinë e Veliajt.
Qytetarë të shumtë kanë sinjalizuar se kompania “SON Engineering & Construction” merr tendera në Bashkinë Tiranë për shkak të njohjes dhe miqësisë me rrethin shoqëror të Veliajt. Një denoncim i tillë u publikua edhe nga portali Jeta osh Qejf. Kjo kompani që denoncojnë qytetarët ka si administrator Erind Bejlerin, i cili nga Bashkia Tiranë ka përfituar gjatë 4 viteve të fundit nga buxheti i shtetit, rreth 450 milionë lekë!
Mjafton një hulumtim i thjeshtë në rrjetet sociale për të kuptuar që grupi shoqëror mes Baboçit (drejtor dhe mik i Veliajt) Fugës (drejtor i Ramës dhe mik i Veliajt) dhe Bejlerit (administratori i kompanisë) nuk është i fshehur, por tejet kompakt edhe publik. Bejleri i 450 milionë lekë tenderave duket se i përket një rrethi shoqëror që frekuenton edhe Veliaj vetë.
Pyetjet që Veliaj duhet të përgjigjet para qytetarëve të Tiranës janë:
1. Sa ka ndikuar miqësia e Bejlerit me drejtorin tënd dhe rrethin tënd shoqëror në marrjen e tenderave të Bashkisë Tiranë?
2. Pse tenderat që fiton Bejleri duken qartë me konkurrencë fiktive? A kane qenë ato të paracaktuara?
3. A ndan pjesë të shumës së tenderave me drejtorin tënd apo me ty? Dhe një kuriozitet: A është Erind Bejleri edhe ideatori i ERTV?

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej