Kreu i PD, Lulzim Basha ka vizituar zonën e plazhit në Durrës, një ndër më të prekurat nga tërmeti.
Basha shprehet se është takuar me njerëz të tronditur dhe të shqetësuar për sigurinë e tyre dhe të fëmijëve.
Mesazhi i Lulzim Bashës:
Në zonën e plazhit në Durrës për t’u solidarizuar me ekipet e kërkim-shpëtimit që vazhdojnë pa pushim punën me stoicizëm, dhe për të dëgjuar e përcjellë shqetësimet e banorëve të goditur nga tragjedia.
Takova njerëz të tronditur, të shqetësuar për sigurinë e tyre dhe të fëmijëve. Banorët në zonën e plazhit ku dëmet që pashë ishin të mëdha, kërkuan vëmendje, mbështetje dhe kujdes.
Ka rëndësi jetike mirëorganizimi i burimeve njerëzore në këto momente shumë kritike, për të kontaktuar qytetarët, për të verifikuar sigurinë e banesave dhe për tu ofruar ndihmë.
