Kreu i PD, Lulzim Basha, duke iu referuar shkrimit të Zërit të Amerikës që flet për blerjeve të votave, theksoi në sallën e Kuvendit se Rama është në pushtet falë mbështetjes së krimit.
“Ju jeni këtu për shkak të një grupi kriminelësh, ju jeni këtu se ata u kanë kapur prej tirandash e u kanë sjellë këtu. Ka 5 vite që ne e kemi thënë këtë, por ato u thanë dhe mbrëmë nga media me serioze “Zëri i Amerikës”. Kryeautori i asgjësimit të zgjedhjeve, ai që e ka shndërruar këtë kuvend në një kuplara të krimit nuk denjon të vijë, nuk i bëjnë fajde ilaçet, i ka mbaruar pluhuri, problemi i tij, ne nuk pretendojmë të jemi në një seancë normale, kjo seancë duhet ndërprere dhe njeriu që ka përgjegjësinë për shndërrimin e Kuvendit në bodrum të krimit”, tha Basha.
Fjala e Bashës
Që në këtë Kuvend ka kohë që ka rënë hija e mortit, është e qartë. Ju nuk dini se çfarë thoni, nuk dini se çfarë bëni, sepse ju nuk e dini se përse jeni këtu.
Gjysma prej jush janë këtu, jo për shkak të votave të socialistëve shqiptarë, kundërshtarëve tanë politikë, për të cilët, ndasitë ideologjike për mënyrën se si duhet qeverisur vendi ndajnë dashurinë për këtë vend, por jeni këtu për shkak të një grushti kriminelësh me të cilët keni lidhur fatin tuaj, që ju kanë kapur prej tirandash dhe ju kanë sjellë këtu për t’i shërbyer interesave të tyre.
Ka 5 vjet që Partia Demokratike denoncon këtë, dhe tani, gjithçka që kemi thënë është faktuar, gjithçka kemi thënë është botuar dhe është transmetuar nga mediat më serioze të vendit dhe të botës, nga Zëri i Amerikës.
Ju pretendoni se s’ka ndodhur asgjë, ndërsa kryeautori i asgjësimit të zgjedhjeve, ai që e ka shndërruar këtë parlament në një kuplara të krimit, nuk denjon as të vijë sot këtu
Nuk e mbajnë këmbët? Nuk e mbajnë nervat? S’ka marrë ilaçet? S’i bëjnë më fajde ilaçet? I ka mbaruar pluhuri? Është problemi i tij.
Ne sot nuk mund të pretendojmë se jemi në një seancë normale, e po ndjekim procedura normale parlamentare.
Ndaj, gjëja e parë që duhet bërë, kjo seancë duhet ndërprerë dhe njeriu që ka përgjegjësinë për shndërrimin e këtij parlamenti nga tempull i demokracisë në një bodrum të krimit, ku kemi deputetë që nuk kanë marrë asnjëherë fjalën, sepse nuk kanë asgjë për të thënë, sepse arsyeja e vetme se përse janë këtu, është marrëdhënia e tyre me Avdylët, me Keçët, Shullazët, Dajtët, Bandën e Lushnjes, Bandën e Vlorës, Bajrët e Shkodrës.
Prandaj hipokrizia merr fund.
Sot nuk kemi temë më të rëndësishme për të diskutuar se sa mënyra se do të zgjidhet kjo krizë: Ose përmes propozimit të opozitës përmes një qeverie kalimtare dhe jo një qeverie kukullash enigmatike për të justifikuar largimin e atyre që duhet të jenë në burg, sipas përgjimeve që janë
