Gjatë takimit me të rinjtë e Partisë Demokratike në Qytetin Studenti, në Ditën e Rinisë, kreu i PD-së Lulzim Basha tha se ndryshimi vjen nga vetvetja, ku në thelb është forcimi i demokracisë së brendshme.
Basha gjithashtu premtoi se grupi i ardhshëm parlamentar demokrat do të ketë 35% të tij rini, që do të zgjidhen lirisht nga të rinjtë.
Sipas kreut të PD-së shqiptarët sot e presin një mesazh nga të rinjtë, dhe ky mesazh është refuzimi i gjendjes së vendit, “refuzojmë të jemi skllevër të një autokracie të veshur si demokraci, të një ekonomie të kontolluar nga pushteti dhe klientët e saj”.
Përsa i përket reagimit të kryeministrit Rama mbi protestën e FRPD-së, Basha replikoi duke thënë se populli nuk jeton duke lexuar raporte të porositura e të paguara që të zezën ta bëjnë të bardhë.
