Kreu i PD, Lulzim Basha do të zhvillojë sot në orën 10:00 një takim me ambasadorët, Yuri Kim, Luigi Soreca dhe Duncan Norman.
Mësohet se në tryezë do të jenë të pranishëm edhe aleatët e opozitës.
Ky takim vjen një orë para mbledhjes së Këshillit Politik, ku do të diskutohet për hapjen e listave dhe ndikimin e amendamenteve kushtetuese tek koalicionet parazgjedhore.
Sakaq dje ambasadorja amerikane Yuri Kim bashkë me Luigi Soreca zhvilluan një takim me kryeministrin Edi Rama, ku në fokus ishte Reforma Zgjedhore.
