Kreu i opozitës Lulzim Basha ka reaguar ndaj shoqërimit me forcë të protestuesve pak minuta më parë në sheshin “Skënderbej”.
Basha e quajti këtë një sjellje tipike të një regjimi.
“Është e njëjta gjë që ndodhi dje dhe pardje, e dënoj me ashpërsi maksimale këtë shellje prej regjimi. Është shkelje elementare e të drejtave të njeriut, ky trajtim që i bëhet njerëzve që protestojnë për liritë dhe të drejtat kushtetuese nuk ka gjasë të ndodhë në një vend që pretendon të hapë negociatat me BE, është ngjarje tipike për një regjim. Asnjë gjendje e fatkeqësisë natyrore nuk kufizon të drejtën për të prorestuar, qytetarët marrin masa për të respektuar distancën që të mos shkelen udhëzimët që kanë të bëjnë me shëndetin, por nëse kushtet zbatohen, asnjë shtet vec diktaturës nuk ka të drjetë të kufizojë këtë liri themelore“, tha ai.
