Kreu i opozitës Lulzim Basha ka dalë në një konferencë për mediat, lidhur me situatën e krijuar ditën e djeshme në protestën e opozitës dhe protesta e nesërme.
Gjatë fjalës së tij Basha u shpreh se, kryeministri Edi Rama është shumë i shkëputur nga realiteti që sheh gjithçka si film nga vila e tij.
“Kështu nuk mund të vazhdohet. Edi Ramën e ka mundur lodhja, pushteti, zullumi dhe varfëria e popullit, e ka mundur arroganca. Sot, unë dhe PD, e gjithë opozita jemi nisur për të rikthyer normalitetin politik në vend, për të rikthyer demokracinë dhe shpresën e këtij vendi. Sot, orë pas dramës së mbrëmshme, dhunës së parë kundër opozitarëve dhe në prag të protestës kombëtare të thirrur nesër dua t’i bëj një paralajmërim Ramës. Mos i kalo caqet, mos bëj të fortin. Harroje se do të mbash pushtet me dhunë. Në rastin më të mirë do të lutesh të kesh fatin e Nikolla Gruevskit.
