Kreu i PD Lulzim Basha nga foltorja e Kuvendit i tha kryeministrit Edi Rama se “Foltorja” e Sali Berishës do hajë “kokën e tij”.
“Ti hallet i mat me pultin tënd, halli yt është se të ka mbaruar kandili dhe ti e di. Doje të digjje vajin 8 vjeçar por ja që se djeg dot më ske më me çfarë të merresh. Ke vendosur, sa herë e përmende foltoren, foltorja s’është halli im është halli jot, fotorja është ding dongu bëhu gati edhet i. Ska foltore që do të të shpëtojë ty”, tha Basha.
Kjo përgjigje e Bashës erdhi pasi Rama ka ironizuar “Foltoret” e organizuara nga ish-kryeministri Berisha. Teksa iu drejtua liderit të demokratëve se ‘të kam konsideruar dhe të konsideroj mik’, i dha një këshillë që të “mos prishë gojën”, duke iu referuar përplasjes që pati kryedemokrati me deputetin socialist Eduard Shalsi.
Reforma në Drejtësi tha Basha është shkatërruar nga Rama të cilin e quan rrezikun më të madh të saj.
“E keni shkatëruar reformën në drejtësi i keni kapur prej bishti drejtuesit e saj i keni bërë bisht, ambasadorët e huaj që thonë veproni sa dalin ata nga dera kërcasin telefonat dhe thonë mos veproni. Mbushen sarajet e tua me prokurorë që të vijnë natën që të mos shkarkohen. Vaji i kandilit dhe këto ka mbaruar se bëre sikur ndërtove reformën por nga brenda e kanë kuptuar të gjithë se ti je rreziku më i madh i mundshëm i reformës. Reforma në koma të thellë prej teje”, shtoi kreu i PD.
